قصة زهرة

قصة زهرة التآئبه الى الله من الغناءيآرب يثبتها ويهدي من يسمع الدندنه :::::: أبدآ بـ قصّتيْ ..


أنا بنتْ عمريْ ما تَجاوزْ الـ 18 سنَه
تربّيتْ بـ أسرَه طيّبه و لها سمعتها .. و أفتخرْ فيها بلا شكّ !
بسْ معَ ذلك , كانتْ فيْ بعض الأشياءْ شرعاًَ هي ما تجوزْ
و تربّيت أو ربّيتْ نفسيْ على إنّها شيْ عاديْ ""

أقربْ مثالْ [ الأغانيْ ] , اللي صارت شيْ جداً عاديْ ..
كانْ اي أحد يسألنيْ شـ حكمْ الأغانيْ ؟ أجاوب بـ عاليْ الصّوت : حرامْ
بسْ لمّا أجي أنامْ و أتذكّر الكلمَه و هيْ ترنّ بـ راسيْ :
" حرامْ , حرامْ , حرام ............ حرام "
أحيانْ كنتْ أتعوّذ من ابليسْ وانامْ
و أحيانْ كنتْ أبكيْ من الخوفْ أحسّ خلاص ربّي بيعذّبنيْ !
لـ العلمْ =||
وقتها كان عمريْ 12 سنَه , الوقت اللي استوعبتْ فيه إنّها حدّ من حدودْ الله ما أتجاوزَه و أستبيحَه و ربّي محرّمه عليّ ""

لمّا كنتْ بـ صفّ أوّل متوسّط .. كنتْ مثل ما يقولون [ مدمنَة أغانيْ ]
والله يعلمْ كمْ كنت أستانسْ لا قالوها ليْ """" ~> الله المستعانْ
آخرْ ألبوماتْ الفنانْ الفلانيْ صارتْ بجهازيْ .. أغانيْ الفنانَة الفلانيّه كلّها حافظتها !أذكر مرّه كتبت كلمات الأغنيَه بورقَه لـ صديقتيْ
لـ انّ أمّها شويْ صاكّه عليها بالمذاكرَه فما تعطيها الوقت الكافي اللي تقعد فيه عندْ المسجّله عشان يمديها تحفظها ""
حاليْ كان عاديْ , ما أشوفْ فيه شيْ غلطْ ؟
لين تعرّفت على بنتينْ معاي بالفصلْ ..
كنّا نجتمع بـ حصص الفراغْ نسولفْ و نسولفْ و نسولفْ . .
كانت سوالفيْ أنا ضروريْ تشطحْ بـ : سمعتوا أغنيَة ....... ؟ شفتوا شـ صارْ بـ ........ ؟ ............ !
و إذا كلّشْ سكتْ , امسكْ الورقه اللي قداميْ و اسمع حكيهمْ و اكتبْ كلمات الأغنيَه عالورقه ""
~> كنتْ أمسكْ نفسيْ لا أحكيْ عن أغانيْ قدّامهم , و ما اقدرْ تمرّ ساعه من وقتيْ ما غنّيت فيها """""""
أذكرْ كنتْ أستحيْ منهمْ .. لـ أنّي كل ما قلتْ شيْ عن عالمْ الطّربْ سكّتونيْ
يقولونْ : استغفريْ ربّك يا بنتْ , ما يجوزْ تسمعينْ , ما نسمعْ إحنا أغانيْ .........
كان أسلوبهم حلو و أبدْ مو فضّ .. فلما يكلموني يكونون مبتسمينْ ()
بيني و بينكمْ , كنتْ أقول بداخليْ شـ هالتعقيدْ ؟ ليشْ عايلاتهم كذا مشدّده و كاتمه على انفاسهمْ ؟
معَ ذلكْ كان فيْ شيْ فيهم يجذبنيْ , أحسّ بـ حكيهمْ عفويّه و راحَة لليْ يسمعْ
حتى لو ما كانْ عن الله أو الجنّه أو النّارْ ... يكفيْ إنّي أحسّ همومهمْ و همْ بعمريْ غير هموميْ !
طلبوا منّي مرّه فلاشْ بيحطون ليْ فيه أناشيدْ ..
~> أذكرنيْ ضحكت بالصوت وقتها ""
مدري ليه جانيْ شعور بالسخريَه , كأنّي أقولْ : أنا تبغونيْ أسمع اناشيدْ ؟
عطيتهمْ و بباليْ إنّي أسلّك لهمْ أو أعطيهمْ جوّهم ...
حطّوا ليْ اناشيدْ لليوم ما انساها , أخوي أكبر منيْ كانْ ملتزمْ هو بعد
فكان يناقشنيْ بالأناشيدْ و يعلمني المنشدين مينْ هم و مين يعرف منهمْ و مين احسنهمْ ........ الخْأستانسْ ! أحسّ انّ فيْ أحد يشاركنيْ بـ هالتفاهات ! ~> بنظريْ ""



طولتْ بالقصّة حبّتينْ .. الليْ أبغى أوصلّه إنّي الحينْ الحمْد لله صرت أخافْ على أذونيْ من الحديدْ و ينصبّ داخلْ أذوني يوم القيامَه
صرتْ نهاية كلْ يوم استغفر ربي عن الذنوب اللي ممكن تصير بدون قصد منيْ أخاف النّارْ , أخافْ يوم القيامه و أخاف عذاب ربّي , أبغى الجنّه !!!
كل ما اتذكّر إنّي ما بسمعْ عذب ألحانْ الجنّه .. تجينيْ الغلقَه ""ما اتخيّل اني أكون مع قوم في الجنّه و هم يسمعون الألحانْ و الأغانيْ و و و ........ و أنا ربّي بهالنعيم العظيم حارمنيْ إيّاهم !لمّا أتذكّرحديثْ من تركَ شيئاً لله عوّضَه الله خيراً منْه ...
أثقْ تمامْ الثّقه إنّي إذا تركتْ هالشيْ عشانْ ربّي أكيدْ إنّه اللي بيجينيْ الأحسنْ
فـ ليشْ أبيعْ الأحسنْ و أختارْ الأدنى ؟
أو بمعنى أصحّ .. ليشْ أستخسرْ روحي و أبيعها و أرضالها واديْ جهنّم و انا اقدرْ إنّي أحميها بإذن ربّي !بما إنّنا فيْ جيلْ كلّه فتنْ و منكراتْ ..
فالزّمن الليْ قال عنّه رسول الله صلّى الله عليه و سلّم
" القابضْ على الدّين كالقابضْ عالجمرْ "
من جدْ أحسّ إنّي مميّزه إنّ الله اختارنيْ من القابضينْ عالجمرْ !
نعمَه عظيمَه و ربّي .. يكفيْ إنّي أكون مرتاحَه نسبيّاً إنّ قلبيْ ما يخالطَه حُرمَة الأغانيْ !
مثلْ بيتْ الشّعرْ اللي يقولْ :حبّ الكتابِ وحبّ ألحانِ الغِنا
فيْ قلبِ عبدٍ ليسَ يجتمعـانِ
و مستحيل يثبتْ كتابْ الله أو نتدبّره من قلبْ صافيْ دام القلوبْ معلّقه بـ كلامْ غير كلام ربّي ""

أنا بـ صفْ ثالثْ ثانويْ الحينْ ..
كلْ مرحلَه أمرّها كنت الوحيدَه اللي بالفصلْ ما تسمع أغانيْ , متّديّنه , مطوّعه , معقّده , الهيئَة , عائشَة بنت أبيْ بكرْ جت لاحّد يتكلّم !
~> الله المستعان , وين انا ووينْ عائشَه """""""""
من جدّ الدّين يومْ بدأ بدأ غريبْ , و مثلْ ما بدأ بيعودْ . .

السّنه هذي بدايتها كنتْ الوحيدَه , الحينْ صرنا ثلاث ما نسمع بفصليْ ()
ما بقولْ إنّي السّببْ ! بسْ أحسّ بـ الفخرْ إنّ ليْ يدْ بهدايتهمْ . . ويا سعااااااااااااااااااااادتي """""""""""""""""""""""الخبرْ المؤسفْ إنّ الثّنتينْ الليْ كنتْ استحيْ منهمْ ..
صارتْ ثقافتهمْ ما تقتصرْ عالأغانيْ العربيّه .. صارت ثقافتهم فنْ غربيْ
لما أفكر كيف يبدلون قربْ الله بـ هالسهوله ؟
لما أبحث عن السبب سواءً فيهم أو بغيرهمْ
أكتشف إنّ تدينهم ما كانْ لهم , كان بسببْ أهلهمْ للأسفْ
حكاية إنّهم تربّوا على شيْ و تعوّدوا عليه و خلاص الزّمن تطوّر
الله يهديهمْ و يردّهم له ردّاً جميلا يا ربْ ()"
الفرقْ اللي بيني و بينهمْ .. إنّ تركْ الأغانيْ ماحّد اجبرنيْ عليه
تركها كان من نفسيْ ! كل عباداتيْ من نفسيْ سوّيتها
مستحيل يجيْ يوم و أتركها , و يا ربْ لا تُزغ القلوب بعد إذ هديتَها ""أنا ما أقولْ إنّي يوم تركت الأغانيْ تركتها بهالسّهوله ..
عانيت معاناة والله يشهد , كانتْ كانّها الفيتامينْ اللي ينقص يوميْ !
كنت كل ما افكر مجرّد التفكير بـ أغنية فلان وأغنّيها ..
أتعوّذ من ابليسْ و أقوم أشغل نفسي بـ أيْ شيْ """
صلاة , قرآن , أحياناً نتْ أو تلفزيون أو حتّة مذاكرة أو نوم أو أكلْ .......... الخْ
أهم شيْ إنّي ما أفكّر بالأغانيْ ..أهليْ تعوّدوا التزاميْ .. إذا كنت بمكان وانا جنبهمْ يقصرون الصّوتْ عالأغانيْ و إن كانت واضحة الموسيقَى يسوون حذف للصوتْ ..
مو ملتزمينْ , بسْ احتراماً ليْ
صار حالهمْ الحين أحسنْ من اوّل .. قاموا يحذفون الصوت حتى لو ما كنت فيه , تعلّقهم بالأناشيدْ أكثرْ من الأغانيْ , أشياءْ كثيرَه ببيتنا أحسّها تغيّرتْ بعد التزاميْ !

الحمْد لله , صبحْ ليلْ رخاءْ شدّة فرحْ حزنْ ................ النّعمة اللي أنا فيها ما يحسّ فيها الا الليْ يجرّبها
فيها لذّة سبحانْ الله , مذاقها جميييييييييييييييييل """"""




طوّلتْ بالكلامْ , أبختمَه بحاجَة بسيطَة إن شاءْ الله ""

لليْ تسمعْ أغانيْ و ما تقدرْ تتركها .. تتذكّر إنّ الله سبحانه لمّا منّ عليها بالسّمعْ و هو نعمَه أعطاها الله لنا , كيفْ نتجرّأ على نِعم الله و نعصيه بـ نعمَه ؟
إنّ السّمع و البصرَ و الفؤادَ كلّ أولئكَ كان عنهُ مسؤولا """
سمعيْ , أنا بنسئلّ عنّه على رؤوسْ الخلائقْ !
يا ترَى شـ بيكون ردّيْ عند ربّي بذاك اليومْ ؟

و تتذكّر كمانْ إنّ الدّنيا دارْ زوالْ , أعمارنا ما تتجاوزْ الـ 90 !
بنقضيْ 90 سنه بمعاصيْ ؟ والله ما تسوى لمّا نفطّر إنّ الحياة اللي بعد كذا حياة لا نهائيّه """""""
و من يدريْ بـ نكمّل الدقيقتينْ الجّايات أو لا أساساً ؟
ما احّد يضمنْ عمرَه , و القلبْ إذا تعلّق بشيْ يموتْ عليه
تعلّقْ قلبكْ بالقرآن ؟ بالأغانيْ ؟ ياااااا ربْ حسّن الخاتِمه ""

لا تركتِ الأغانيْ , الله سبحانَه يجازيكْ ببركَه بكلّ شيْ
يعطيكْ نورْ بوجهكْ و نورْ بقلبكْ يلاحظونها النّاسْ فيكْ !
قالوها ليْ ............ يا ربّ نوّر قلوبنا بذكركْ و خشيتكْ ""
إذا تركتِ شيْ لله , أوقنيْ أشدّ الإيقانْ إنّ الله مستحيل ما يعوّضك عنه بخيرْ , مستحييييييييييييييييييييييييييل """"""""""""
و الله كريمْ , و العوضْ أكبرْ من إنّه يكون شيْ دنيويْ ينتهيْ """"

تخيّلي الحديد و هو يصبّ بإذونك , تخيليْ ألمْ أصغرْ شيْ يدخلْ أذونك !تونّين منّه طول الليل و لا هو رايحْ .............
حديييييييييييييد مذاااااااااااااااااااااااااااااااااااااا ب ............ تخيّل الألمْ يكفيْ ="(
دوريْ عن صحبَه صالحَه تساعدك على انّك تتركينها و تشجّعك ..
الأغاني كل ما تذكرتيها أشغليْ نفسكْ بـ أيْ شيْ عنها ..
انتبهيْ تتمكّن من قلبكْ و يطبعْ الله عليه الضّلالْ """""""


و تذكريْ , اللي يعيشْ بطاعة الله بيذوق لذّة ما ذاقها و هو بعيدْ عنّه
بتحسّيناه بيومكْ , بعلاقاتكْ مع اللي حولكْ , بتوفيقك بالحياةْ .. بكلْ شيْ حولكْ !







أعتذرْ عن الإطالَه من جديدْ ..
لكن لو راجعنا نفسنا شويْ .. بنحسّ إنّ الدّنيا طولها بعرضها ما تستاهلْ ذنبْ واحدْ
قدّام الحياة اللانهائيّة .. جنّه أو نارْ """""""""

الله يدي قلوبنا أجمعْ ويطهّرها من كل شيْ يشوبها
ويثبّت القلوبْ على دينِه """""""

سبحانك اللهم و بحمدِك , أشهد أن لا إله الا انتْ استغفركْ و أتوبْ إليكْ "

(زهرة)